આ સંજોગોમાં બરડોલી લોકસભાના સાંસદ સભ્યશ્રી પ્રભુભાઈ વસાવા દ્વારા ગુજરાતના મુખ્યમંત્રીશ્રી,નાયબ મુખ્યમંત્રીશ્રી તથા કૃષિ અને ખેડૂત કલ્યાણ વિભાગના મંત્રીશ્રીને પત્ર દ્વારા અસરગ્રસ્ત ખેડૂતોને રાહત મળે તે માટે રાજ્ય સરકાર ખાસ આર્થિક સહાય અને રાહત પેકેજ જાહેર કરે તેવી રજુઆત કરવામાં આવી છે.
સાંસદશ્રીએ તેમના પત્રમાં જણાવ્યું છે કે સુરત અને તાપી જિલ્લાના મોટાભાગના આદિવાસી ખેડૂતોની મુખ્ય આજીવિકા ડાંગરના પાક પર આધારિત છે. કમોસમી વરસાદના કારણે આ પાકને ભારે નુકસાન થતાં ખેડૂતો આર્થિક સંકટમાં મુકાયા છે. તેથી કૃષિ વિભાગ દ્વારા તાત્કાલિક સર્વે હાથ ધરી અસરગ્રસ્ત ખેડૂતોને થયેલ નુકસાનના આધારે યોગ્ય આર્થિક સહાય પૂરી પાડવાની ભલામણ તેમણે કરી છે.
સાંસદશ્રી પ્રભુભાઈ વસાવાએ રાજ્ય સરકારને આ મુદ્દે ઝડપી નિર્ણય લઈ ખેડૂતોને આર્થિક રાહત મળે તે માટે યોગ્ય પગલાં લેવા વિનંતી કરી છે.