ડાંગના સુબિર તાલુકાના ધુલદા ગામે અકસ્માતે આગ લાગતા ઘર વખરીને નુકશાન

–

  ડાંગ : ડાંગ જિલ્લાના સુબિર તાલુકાના ધુલદા ગામે આજે સવારે એટલે કે તા.૨૨મી ઓક્ટોબરે અકસ્માતે આગ લાગવાનો બનાવ બનવા પામ્યો હતો.

 ડાંગ કલેકટર  મહેશ પટેલે શક્ય તેટલી વહેલી મદદ પહોંચાડવા માટે તંત્રને એલર્ટ કર્યું છે.

 જિલ્લા અને તાલુકા વહીવટી તંત્રને પ્રાપ્ત થયેલા, બરડીપાડાના તલાટી-કમ મંત્રીના પ્રાથમિક અહેવાલ અનુસાર તા.૨૨/૧૦/૨૦૨૩ ના રોજ સવારે અંદાજીત ૧૦:૪૫ વાગ્યાના અરસામાં, ધુલદા ગામે પટેલ ફળિયામાં સંદીપભાઈ ભાયજુભાઈ પવારના ઘરે આ આગ લાગવાનો બનાવ બનવા પામ્યો હતો. જેમાં સદનસીબે કોઈ જાનહાની થવા પામી નથી. પરંતુ અસરગ્રસ્ત પરિવારના ઘરના સામાન, ઘરવખરીને નુકશાન થવા પામ્યું છે.

व्हाट्सप्प आइकान को दबा कर इस खबर को शेयर जरूर करें