ડાંગ જિલ્લાની નવચેતન હાઈસ્કુલ, ઝાવડા ખાતે છાત્રાલયોનો સ્નેહ મિલન સમારોહ યોજાયો 

ડાંગ જિલ્લાની નવચેતન હાઈસ્કુલ, ઝાવડા ખાતે છાત્રાલયોનો સ્નેહ મિલન સમારોહ યોજાયો 
ડાંગ : 22 : ડાંગ જિલ્લાના વઘઇ તાલુકામા સમાવિષ્ટ નવચેતન હાઈસ્કુલ, ઝાવડા ખાતે વનવાસી વિકાસ મંડળ-વઘઇ સંચાલિત વન વિધ્યાલય આંબાબારી હાઈસ્કુલ, નવચેતન હાઈસ્કુલ ઝાવડા, વનરાજ હાઈસ્કુલ કાલીબેલ તથા ટ્રસ્ટ સંચાલિત છ છાત્રાલયોનો સ્નેહમિલન અને સન્માન સમારોહ કાર્યક્રમ યોજવામા આવ્યો હતો.

નવચેતન હાઈસ્કૂલ ઝાવડા ખાતે યોજાયે સ્નેહમિલન કાર્યક્રમમા વન વિદ્યાલય આંબાબારી અને વનરાજ હાઈસ્કૂલ કાલીબેલના સૌ આચાર્યો, શિક્ષકો, વહીવટી સ્ટાફ તેમજ ટ્રસ્ટ સંચાલિત છ છાત્રાલયોના ગૃહપતિ, ગૃહમાતા તથા અન્ય કર્મચારીઓ ઉપસ્થિત રહી એકબીજાનો પરીચય મેળવી વનવાસી વિકાસ મંડળની વિકાસ ગાથા, યજમાન શાળાનો પરીચય મેળવ્યો હતો.

સ્નેહ મિલન સમારોહમા ટ્રસ્ટ સંચાલિત વન વિદ્યાલય આંબાબારીના આચાર્ય ડૉ. કમલેશભાઈ ઠાકોરને રાજ્ય લેવલે શ્રેષ્ઠ આચાર્ય તરીકે એવોર્ડ મળતા, ટ્રસ્ટીઓ દ્વારા સન્માન કરવામા આવ્યુ હતુ. ઉપરાંત શાળાના અન્ય પ્રતિભાશાળી શિક્ષકોને પણ સન્માનિત કરવામા આવ્યા હતા.

આ કાર્યક્રમમા વનવાસી વિકાસ મંડળના પ્રમુખ  નગીનભાઈ ચૌધરી, ટ્રસ્ટી  ગોંવિદભાઈ પટેલ, ઉપપ્રમુખ  દિપકભાઈ પટેલ, મંત્રી કલ્પેશભાઈ પટેલ, ગામના આગેવાન  નરેશભાઈ રેંજડ તેમજ સૌ ટ્રસ્ટીગણ, શિક્ષકો, કર્મચારીઓ વિગેરે ઉપસ્થિત રહ્યા હતા.

व्हाट्सप्प आइकान को दबा कर इस खबर को शेयर जरूर करें